في تصريحات خاصة لـ تاكتيكا أكد الإعلامي كريم رمزي أن انتقال أحمد سيد زيزو إلى النادي الأهلي يعد صفقة مهمة للغاية للمارد الأحمر كما أنه يمثل فرصة كبيرة للاعب وخسارة فادحة لنادي الزمالك.
وقال كريم: “بالنسبة لزيزو وانتقاله للنادي الأهلي أكيد صفقة مهمة جداللطرفين وخسارة كبيرة وفادحة لنادي الزمالك وبالتأكيد واحد من أهم اللعيبة المؤثرة اللي هيخسره الفارس الأبيض الفترة اللي جاية.”
وأضاف: “عقلية زيزو كمان تخليه قابل للنجاح سريعًا عكس لاعبين ممكن ينتقلوا من الزمالك للأهلي أو العكس، هو لاعب عنده من العقلية اللي تخليه يعرف يركز في الملعب بشكل كويس ويعرف يخش في المنظومة سريعًا وبالتأكيد هي صفقة ناجحة جدًا.
وحول توقعاته لمباراة نهائي كأس مصر بين بيراميدز والزمالك أوضح كريم رمزي أن بيراميدز يبدو الأقرب للفوز نظريًا ولكنه شدد على أن المواجهة لن تكون سهلة.
وقال: “بالنسبة لنهائي كأس مصر بالتأكيد على الورق نظرًا للحالة اللي عليها الزمالك والحالة اللي عليها بيراميدز، فإن بيراميدز هو المرشح الأكبر للفوز ولكن تبقى المواجهة اللي فيها الزمالك أو الأهلي حتى قدام بيراميدز الفريق الكبير دلوقتي وبيراميدز فريق عنده عناصر مهمة وهي مواجهة صعبة بكل الأحوال.”
واختتم: “الزمالك مش هيبقى صيد سهل في هذه المواجهة ولكن على الورق بيراميدز له الأفضلية ونشوف المباراة هيحصل فيها إيه لأنها مباراة صعبة ومش مضمونة. يعني هتفضل المواجهة 50/50 عمليًا نظريًا ممكن بيراميدز هو اللي له الأفضلية.”