في تصريحات خاص لـ تاكتيكا، علق جمال حمزة نجم الزمالك السابق، على الجدل الذي أثاره انتقال أحمد سيد “زيزو” من القلعة البيضاء إلى الغريم التقليدي “الأهلي” مؤخرًا، مؤكدًا أن طبيعة الانتقال هي ما أثارت الضجة، وليس القرار في حد ذاته.
وقال جمال حمزة: “الانتقال عمل ضجه طبعًا لأنه انتقال مباشر بين ناديين منافسين، لكن من وجهة نظري، هو اختار الطريق الأنسب ليه، ومقدرش أقول قراره صح أو غلط”.
وأضاف: “كواحد من جمهور الزمالك، طبيعي أبقى عايز اللاعب الأفضل يفضل في فريقي ويفيدني، وعلى الأقل ميتنقلش للمنافس التقليدي لينا، بس في الآخر، اللاعب بيشوف مصلحته فين، وهيأدي أحسن فين، وده طبيعي في الوقت الحالي”.
وأوضح حمزة أن الأوضاع تغيرت عن الماضي، قائلاً: “زمان كانت الأمور أصعب، أما دلوقتي، فكل لاعب بيختار الأنسب ليه بدون نفس الضغوط اللي كنا بنواجهها قبل كده”.
وختم تصريحاته قائلاً : “الضجة كلها جاية من إن انتقال اللاعب تم بشكل مباشر، ما راحش مثلاً لنادي تاني خارج مصر قبل ما ييجي على الأهلي، وده اللي خلى الناس تتكلم بالشكل ده”.